tg-me.com/kkuyyu/2207
Create:
Last Update:
Last Update:
نعي ......
كأني بلسان مولاتي زينب الكبرى عليها السلام.
جيت ابهمي للزهره وگلت چلمه .
جسم ابنچ يبضعة مخضب بدمه. .
الخيول اهواي داست واطحنت جسمه.
اونسمات الهوى لو مرت اتلچمه
الف الله وأكبر والنحر مذبوح.
ابو الأكبر ييمه دمه ضل مسفوح.
على روس الرماح الراس ضل يلوح.
اشبه دورته بدورة سفينة نوح.
اعاينله يزهره وكلبي شيصبره
جسمه معفر ومحزوز من نحره
مذهوله بصفنتي وكلبي بي جمره
ذو الفقار چنه النام عالغبره.
الحزين شلون يكدر يفرح بيومه
يشوف أهله وعياله عالترب نومه
تشرح حالته دمعته المرسومة
عالخد والجفن والروحه مهمومه.
https://www.tg-me.com/in/قناة الشاعره هناء الدراجي /com.kkuyyu
BY قناة الشاعره هناء الدراجي.
Share with your friend now:
tg-me.com/kkuyyu/2207